Indian Gay love story – PYAR KI DOR – part – 2

Indian Gay love story…… part – 2

Rajveer ne Jay ka hath jhatakte hue gusse me bharkar kaha ,

” dur raho mujhse, mujh ghin aa rahi he tumse, me kabhi soch bhi nahi sakta tha ki tum gay hoge. Me to sirf ek padausi ke naate tumhari help kar raha tha aur tum apne gande dimaag me na jaane kya kya soch rahe the. Mujhe aainda kabhi milna mat aur na mere ghar aana , I hate gays. Suna tumane i hate u, i hate all bloody gays………..”

Rajveer cheekhta hua vaha se chala gaya. Jay ke saare sapne ek pal me bikhar gaye. Vo ghutano ke bal farsh par beth gaya aur rote hue bola,

” par me pyar karta hu aapse……………..”

. Uski jindgi me pahli baar pyar ne dil ka darwaja khatkataya tha. Lekin vo sab ek bhram nikala. Jay ke tute hue dil ki cheekh dil me gunjane lagi. Saari raat jay wahi farsh par pada raha. Idhar Rajveer gusse me saari raat jaagta raha.

Fir nai subah hui lekin sab badal chuka tha. RAJVEER ki maa roj hi Jay ke flat par jati thi. Par us din ke baad jay kabhi unke ghar nahi aaya. Aur Rajveer bhi yahi chahta tha. Kareeb ek maheene tak dono ki mulaakat nai hui. Lekin ek din maa Rajveer se boli ,

” tum dono ke beech jhagda hua he kya? “

Rajveer ne jhoot bola,

” nahi to maa………

Par kyu puchcha….?”

maa ne thodi tension me kaha,

” tujhe yaad he doctor Ne kaha tha jay ke ek maheene baad kuch test karenge jisase confirm ho jaye ki sab theek he………..

Meri to vo sunta nai tu le jaa use, tujhe manaa nai kar paayega….”

Rajveer ko yaad aaya ki maa sach keh rahi he vo hi bhul gaya tha. Par fir ekdam se use yaad aaya ki ab to sab khatam ho chuka he . par ye to uska farj he iska unke jhagde se kya lena dena. Usne dusre kamre me jaakar Jay ka no. Lagaya to udhar se ek udaas aur maayusi bhari aawaj aai,

” hello……. Aap kaun ?”

Rajveer ne apne aap ko sambhalte hue kaha,

” Rajveer……….bol raha hu, shaam ko taiyar rahna doctor ke paas jana he tumhare kuch test hone he…”

jay ekdam se chup ho gaya fir kaafi der baad bola,

” kisi jaanwar ki itni fikr karana achcha nahi hota Rajveerji….

Aakhir jaanwar hi to he .?”

Itna kahkar Jay ne phone kaat diya. Rajveer gusse me bhanbhanata rah gaya. Shaam ko jab office se lauta to body me pain ho raha tha lekin use jay ko lekar hospital jana he. Vo fatafat fresh hua aur Jay ke flat par pahucha to usne dekha door open tha. Usne andar jhaankkar dekha to kamre ki haalat kaafi kharaab thi usne door par knock kiya to bathroom se aawaj aai ,

” do minute……

RAJVEERJI “

Rajveer waha ek chair par beth gaya usne waha table par dekha to ek book padi hui thi , ” Surrogate child – new generation of gays “

usne book ko bed par patak diya. Tabhi Jay bathroom se bahar aaya. Dark blue shirt aur black trouser me vo bahut handsome lag raha tha. Use ready dekhkar Rajveer ne kaha,

” tum to pahle se ready ho……!! “

Jay ne rukhepan se kaha,

” mujhe pata tha aap mujhe waha le jaakar hi maanege………….chale ….? “

Rajveer Jay ka badla hua andaaj dekhkar chaunk gaya lekin kuch bola nahi. Dono ek ghante me hospital pahuch gaye. Lekin aaj hospital me koi foreign se doctor aaye hue the. Jay ne kaha,

” Ye hi U. S. A se mera case handle kar rahe the . Chaliye mil lete he…..”

andar doctor ne kuch test vagerah liye uske baad Jay ne Rajveer se kaha ki aap bhi apne general health check- up karwa lijiye. RAJVEER ko suggestion achcha laga to vo taiyar ho gaya. Nurse ne Rajveer ko jese hi blood lene ke liye injection lagaya to Rajveer behosh ho gaya.

Kareeb 3 ghante baad uski neend khuli to dekha ki Jay uske bagal me betha he aur vo bed par leta he. Jay ne use hosh me dekhkar kaha,

” Aap theek to ho na…..?

Kya hua tha aapko?”

Rajveer ne acharaj ke sath kaha,

” pata nahi mujhe ekdam se neend aa gai thi…………….

Par ab me theek hu..”

Rajveer ne uthate hue kaha. Iske baad dono ghar aa gaye. Rajveer aur jay ki jindgi do alag alag raasto par chal rahi thi jinke milne ki koi sambhavna nahi thi. Dono ka milna to vese hi band tha par ab phone par bhi baat nahi hoti thi. Esa lagta tha ki vo kabhi mile hi nahi. JAY bhi apna jyadatar wakt study aur gym me bitata tha.

Rajveer ko kabhi kabhi lagta tha ki Jay kuch chhupa raha he par fir use lagta ye uske dil ka vaham he. RAJVEER ki maa ab bhi jay ke flat par regularly jaati rahti thi. Aur lautkar hamesha Rajveer ko Jay ke baare me sab batati rahti thi. RAJVEER khush tha ki Jay ne khud ko sambhal liya tha. Is tarah 9 maheene beet gaye. Aur fir ek din jab shaam ko Rajveer ghar aa raha tha to lift me use Jay mil gaya. Uske hath me do bade bag the aaj vo dher saari shopping karke aaya tha. Rajveer ne hello kaha aur chupchaap khada ho gaya. Uski najar un bags par padi usme dher saare khilone, baby food, bhara hua tha. Rajveer ko kuch ajeeb laga lekin usne jay se kuch nahi kaha. Jab ghar aaya to maa nahi thi. Kareeb 2 ghante baad maa aai to Rajveer ne kaha,

” maa, kaha thi aap, me kab se aapka wait kar raha hu aapka ? “

maa ne khush hokar kaha,

” tujhe pata he Raj , Vo Jay he na vo ek baby ko ghar le aaya he. Kah raha tha ki orphanage se adopt karke laya he. Pura paagal he , ise kaun samjhaye ki bachche paalna mardo ke bas ki baat nahi. Abhi khud to bachcha he dusre bachche ko kese sambhalega. Me usi ke paas gai thi. Usko samjhane ki baby ki care kese karni he.? Mujhe to us baby ki badi fikr ho rahi he……”

Rajveer ye sab sunkar ekdam apani chair se uchhal pada vo chaunkte hue bola,

” maa ye aap kya kah rahi he, baby ?????”

maa ne kaha,

” haa Raj jab pahli baar mene suna to mujhe bhi bharosha nahi hua tha.”

Rajveer gusse aur herani ke sath bola,

” Par maa ye koi khel tamasha thodi he, ek bachcha ko paalna . Aur use baby adopt kyu kiya vo shadi karke bhi to……..???”

maa Raj ki haa me haa milate hue boli,

” Mujhe to aajkal ke ladko ka kuchh samajh me nahi aata. Tu puchh na use ?”

Rajveer ne kuch sochate hue kaha ,

” ab to baat karni hi padegi……”

dusre din sunday tha. To Rajveer subah subah Jay ke ghar pahuch gaya. Usne dekha ki pure kamre me khilone faile hue the. Baby ek jhule me so raha tha . Uske jhule par dher saare baloon bandhe hue the. JAY shayad kitchen me baby ke liye milk bana raha tha.

Rajveer ne door par knock kiya,

” jay ??? “

jay ne kitchen me se baahar aate hue kaha,

” Raajveerji aap ???

Kuchh kaam tha. “

Rajveer ne serious hokar kaha,

” mujhe tumse kuchh puchhna tha. ?”

jay ne unhe bethane ka ishara kiya aur kitchen me jaakar chai lekar aaya. Rajveer ko chai dete hue bola,

” vo actually mene abhi abhi kitchen ka kam sikhana start kiya he hopfully chai theek thak bani hogi. ?”

rajveer ne chai peete hue Jay ki aankho me aankhe gadaakar puchha,

” ye kiska baby utha laye ho tum…?”

Jay ne sukun bhari aawaj me kaha,

” vese to me apni personal life ke baare me kisi ko kuch batana jaruri nahi samajhta par aap ne mere liye bahut kuch kiya he to suniye Us baby ka naam Jayraj he aur vo mera khoon he , mera beta……”

Rajveer ne herat ke sath kaha ki,

” par tumhari koi gf he. me nahi jaanta… ???”

fir kuch sochkar Rajveer ne puchha,

” kya Jayraj mera beta he…….??

Jay ne khade hokar Jhule me so rahe jayraj ko uthakar apni baanho me chhupa liya aur aankho se angaare barsaate hue bola,

” Jayraj sirf mera beta he. Uska mere ilawa is dunia me koi nahi he…..suna aapne “

Rajveer ko kuchh kuchh samajh me aa raha tha par vo sure nahi tha. Isliye usne usi hospital me jaane ka faisala kiya. Usne ghar aakar apne ek frnd ko phone kiya jo usi hospital me doctor tha. Use milne ka time liya aur shaam ko pahuch gaya uske paas. Rajveer ne apne dil ka shak uske saamne rakhte hue kaha,

” please yaar i need ur support… “

uske dost ne us nurse ko bulaya jo jay ka case dekh rahi thi. Usne us nurse se sakhti ke sath puchha,

” dekho mujhe us baby ka sach sunana he varna ye kaam police karegi ??

Nurse ne apna pasina pochate hue kaha ki,

” doctor, meri koi galti nai he me to ek maamuli nurse hu. Mujhe to Jay ke doctor ne ye sab karne ko kaha tha.”

Itna kahkar us nurse ne kahna shuru kiya,

” doctor, jaha tak mujhe pata he Jay sahab ne is kaam ke liye apne doctor ko 25 lakh rupees diye the,

unhi ke kahne par mene aapko behosh karke aapke sperm liye the………”

Rajveer nurse ke muh se ye baat sunkar gusse se laal peela ho gaya. use gusse me dekhkar uske frnd ne kaha,

” Rajveer, i knw ki tumhare sath dhokha hua he par ab jo hona tha ho chuka tum agar police ke paas jaate ho isme tumhara naam bhi badnaam hoga aur tumhare bete ka future bhi kharaab ho jayega.”

rajveer ne daant peesate hue kaha,

” mera beta…????

ohh ………ha

mera beta,

par me ab kya karu ??”

itna kahkar Rajveer uljhe hue sawaalo ke sath ghar par aaya to usne dekha maa apne goad me ek baby ko lekar chup karwaane ki koshish kar rahi thi usne puchha,

” maa ye kiska baby he ?”

maa ne rajveer ko dekhkar khush hote hue kaha,

” kitna pyara bachcha he , esa lagta he sach me jay ka beta he , vahi rang , vahi naak, bas chehra nahi milta par tujhe sunane me ajeeb lagega tu bachpan me bilkul esa hi lagta tha. kher tu ese jara sambhal me tere liye chai banakar lati hu.”

itna kahkar maa ne jayraj ko rajveer ki goad me de diya, pahli baar apne bete ko chhute hi Rajveer ke dil me halchal hui

Rajveer ne pahli baar apne bete ki shakal dekhi to dekhta hi rah gaya, kitna pyara, maasum, aur cute he. jayraj apni nanhi nanhi aankho se apne dad ko dekh raha tha. achaanak se jayraaj rone laga. Rajveer ne use chup karane ke liye apni baanho ke jhule me jhulana shuru kar diya aur pahli baar apne bete ka naam liya,

” nai rote mere bachche, dekho aap apne dad ke paas ho. mera chhunnu munnu, arey re re……

mera jayraj ….”

apne dad ki aawaj sunkar jayraj chup ho gaya . shayad use pata chal gaya tha ki vo apne dusre dad ke paas he. andar se maa chai lekar aai aur jayraj ko rajveer ki goad se lete hue boli,

” agar tune ab tak shadi kar li hoti to me tere bete ko iswakt apni goad me khila rahi hoti par tu meri sunata kaha he. “

Rajveer ne haste hue kaha,

” ye mera hi to beta he maa……..!!!!”

maa ne chaunkate hue kaha,

” kya matlab ..?????”

rajveer ne apni maa ki goad me lete apne bete ka maatha chumate hue kaha,

” maa, mera matlab ye bhi to mere bete jaisa hi he. “

rajveer aaj bahut khush tha apne bete ko dekhkar. thodi der baad maa ne rajveer se kaha,

” baby so gaya he, ese jay ko de aao…”

rajveer ko bhi jay se baat karni thi to vo jayraj ko lekar jay ke flat par pahuch gaya. as usual door open tha. to rajveer ne baby ko le jaakar bed par lita diya . uski aankhe apne bete ko dekh rahi thi. usne pyar se usko chuma itne me bheetar se jay gusse me bhanbhanata hua aaya aur rajveer ko dhakka dete hue bola,

” aapki himmat kese hui mere bete ko hath lagane ki ………

just leave him…….

and please, hamari life me interfere mat kijiye. got it. “

Rajveer jay ka esa reaction dekhkar chaunk gaya usne

fir apne aap ko taiyar karte hue gusse me chillaya,

” u cheat me jay , mene tumhe ek dost samajha tha. par tumane doctor ke sath milkar ……………………… u knw what i wanna say .

khair tumane jo kiya so kiya par JAYRAJ mera beta he aur mera us par pura hak he ….. samjhe tum . “

jay samjh gaya ki rajveer sach jaan chuka he.

lekin aaj jay apna aapa kho chuka tha. usne Rajveer ko apne baanho se kheenchate hue gusse me kaha,

” aap nahi jaante ki mein aapko kitna chahta tha. kitne sapne bun rakhe the maine aapko lekar par aapne to mere wajood ko hi ruswaa kar diya. me aapse puchhata hu kya gay hona jurm he? , paap he? . agar me mard hokar kisi mard ko chahta hu to isme kya galat he?

saari dunia me meri tarah ke lakho log he to kya un sabko jeene ka koi hak nahi?. kya unhe apne dard baatane ke liye koi hamsafar nai chahiye?.

par aap jese logo se kuch kahna fijool he. mujhe jeene ke liye aap ki jarurat thi. aapne sath chhod diya to mujhe majboor hokar ye kadam uthana pada.

jayraj mere pyar ki kabr par khila hua ek phool he. meri jindgi ab usike liye he. ab aap ya koi aur hamari jindgi me dakhal dene ki koshish karega to anjaam bahut bura hoga. aaj jay nahi jay ka baap khada he aapke saamane, me nafrat karta hu aapse, aapki yaado se. isliye bhul jaiye ki kabhi ham mile bhi the aur aapka koi beta he “

To be continued ………..

Gay love story – PYAR KI DOR ( part – 1 )

Comments