Indian Gay love story – PYAR KI DOR – part – 3

Click here to read Indian Gay love story – PYAR KI DOR – part – 2

Rajveer ko esa laga jese khuda ne uske daaman me se saari khusiya cheen li ho. Bheegi aankhe liye vo apne flate par aa gaya, vo soch raha tha ki use Jay ki is baat ka itna bura kyu lag raha he. Aakhir vo khud bhi to jay se dur rahna chahta tha. Usne apne aanshu ponchate hue decide kiya ki vo ye sab ek bura sapna samajh kar bhul jayega. Par uski aankho ke saamane apne bete ka chehra aa gaya. Lekin usne to faisala kar liya tha.

Agle din se usne apni job par concentrate karna shuru kar diya, idhar jay ke M.B.A ke last semester ke exam shuru ho gaye the. Jis wajah se use jayraj ki dekhbhal me bahut prblm hone lagi. Ek din Baby food khatam ho gaya to use market jana pada . Usne bahar se door lock kar diya. Aur jaldi se car lekar nikal gaya. Idhar Jayraj ko jab aaspaas koi nahi dikha to vo dar gaya aur jor se rone laga. Rajveer us vakt office ja raha tha. Use jayraj ke rone ki aawaj sunai di to uske kadam tham gaye usne vaha khade hokar socha ki shayad jay naha raha hoga par jab kareeb 20 minute tak uska rona jaari raha to Rajveer ne door ko knock kiya par andar se koi reply nahi aaya to rajveer ne 3- 4 baar try kiya lekin koi jawab nahi mila.

Use tension hone lagi to usne jordar dhakke se door tod diya. Andar jakar dekha to jayraj jhule me leta hua buri tarah ro raha tha. Apne bete ko is haalat me dekhar Rajveer ke andar ki mamta phoot padi usne apne bete ko uthakar seene se laga liya aur use baanho me jhulane laga. Kabhi use chumata kabhi uske nanhe pero par gudgudi karta. Thodi me rota hua jayraj ka chehra muskurane laga. Itne me jay market se laut aaya. Jay kuch kahta isase pahle Rajveer ne chup rahne ka ishara kiya. Rajveer ne apne hatho se apne bete ko duth pilakar sula diya. Aur Jay ko apne sath lekar apne flate par aa gaya. Maa mandir gai hui thi. Rajveer ne andar se gate band kiya aur gusse se laal laal aankhe nikalata hua bola,

” tumhari bewkoofiyo ko ginane bethunga to subah se shaam ho jayegi. Par me tumhe itna gai jimmedar nahi samajhata tha. “

” dekho mere bete ko koi taklif de ye me bardaasht nahi karunga. Isliye jab tak tumhare exam nahi ho jate, Jayraj mere paas rahega. Samajhe tum. “

jay exam ko lekar bahut tense tha use socha ki shayad yahi theek rahega. Usne Rajveer ki baat maanate hue kaha,

” theek he, me aunty ke paas jayraj ko chhodane ke liye taiyar hu par aap ke liye ek muft salaah he, mere bete se emotional attach hone ki koshish mat kariyega……”

Rajveer ne sawaaliya najaro se puchha, ” kyu………….????”

Jay ne door kholte hue kaha, ” kyunki me nahi chahta ki me jab apne bete ko lekar hamesha ke liye CANADA jau to aap koi emotional sceen create kare…….”

Rajveer ne hairaan hokar puchha, ” par tumane kabhi bataya nahi ki tum ja rahe ho….????”

Jay ne jaate hue kaha, ” me yahaa sirf 20 din aur hu. Exam khatam hote hi me chala jaunga . Uske baad ham jindgi me dubara nahi milenge…”

Jay ye kahkar chala gaya.

Rajveer ne is pahlu par kabhi socha nahi tha. Par use ye sunkar apne bete ka khayal aa gaya. Vo kese rahega apne bete ke bina.

Khair agle din se Jayraj apni dadi ki goad me pyar paane laga. Rajveer apni office ke alaawa saara wakt apne bete ke sath bitata tha. Jayraj un dono se bahut ghul mil gaya tha. Rajveer raat ko apne bete ko apne sath hi bed par lekar sota tha. Rajveer ki maa apne bete ko jayraj ke liye itna possesive dekhkar hairan thi.

Kareeb ek hafte baad ek din Rajveer ke ghar par Jay ke dad aaye. Unhe baby ke baare me aur jay ke gay hone ke baare me jay ne khud bata diya tha. Rajveer ne unhe living room me le jaakar bithaya .

Aur kaha, ” uncle aap…..????

Kya baat he aap itne pareshan kyu he…..? “

Jay ke dad ne bahut laachargi bhari aawaj me kaha, ” Rajveer, mere bete ne jo tumhare sath kiya he uski wajah se me tumse najar bhi nahi mila sakta. Par kya karu ek baap ki laachargi kheench lai he…..”

Rajveer ne unhe himmat dete hue kaha, ” uncle jo ho gaya use ham badal nahi sakte..”

Dad , ” beta mene jindgi bhar saara wakt apne business ko diya kabhi jay ke sath pyar ke do pal nahi bitaye.

”Jay hamesha maa baap ke pyar ke liye tarashata raha, mene jab tumhare sath use hospital me mila tha to itna khush mene use kabhi nahi dekha tha. Mujhe tabhi ye shak hua tha ki vo tumse pyar karta he. Kyunki mujhe kaafi pahle se pata tha ki vo gay he par mene kabhi accept nahi kiya.

Rajveer mene apni wife aur jay ki maa ko kho diya . Me nahi chahta ki mera beta aur mera pota bhi us bheed me kahi kho jaaye……”

Jay ke dad rote hue Rajveer ke pairo par gir pade aur rote hue bole, ” beta me nahi jaanta sahi kya? , he aur galat kya ? Me to bas itna jaanta hu ki me ek baap hu aur is budaape me apne bete ke bina nahi rah sakta……………

Pls mere bete ko rok lo . Use jaane mat do.”

Rajveer ne uncle ko uthakar apne paas bithaya aur kuch sochkar kaha,  ” aap mere pita samaan he , pls royiye mat. me jay ko jaane nahi dunga chahe jo ho jaaye….

Me bhi baap hu aur jaanta hu bete ka dard kya hota he. “

Yeh kahte kahte Rajveer ki aankhe bhi nam ho gai.

Jay ke dad use aashirwaad dekar chale gaye.”

Saari raat Rajveer sochata raha ki jo haalat aaj jay ke dad ki he vo hi uski hogi. Aur problm ka ek hi solution he. Usne soch liya ki ab yahi ek raasta he apne bete ko paane ka aur uncle se kiya vaada pura karne ka.

Subah subah Rajveer ne nahakar achche se kapde pahne aur bed par lete apne bete ko chumte hue kaha, ” beta, aaj aapke papa, aapke dusare papa ko shaadi ke liye propose karne ja rahe he bola ham kese lag rahe he….?”

Jayraj khilkhila kar has diya to Rajveer ne use fir se kissi di aur jay ke flate par aa gaya, door open tha to Rajveer andar aa gaya , jay kitchen me apne liye chai bana raha tha . Rajveer ne pichhe se aakar Jay ko baaho me bharte hue kaha,  ” shaadi karoge mujhse…..?”

Jay ekdam hadbada gaya tha . Usne palatkar dekha to Rajveer khada tha.

Jay gambhir hokar kaha, ” me majaak ke mood me nahi hu…”

Rajveer ne haste hue kaha, ” bad luck……….

Pahli baar kisi ko propose kiya aur use majaak lag raha he…”

Jay ne Rajveer ke hasane ka bura maante hue kaha,  ” kam se kam meri sexuality ki be- ijjati to mat…………”

Jay ke hotho par hath rakhte hue Rajveer ne kaha, ” esa kabhi mat sochana me kabhi sapne me bhi jayraj ke dad ko insult nahi kar sakta kyunki me bhi uska dad hu. Aur Jayraj hamara beta he…”

Jay ne rajveer ka hath jhidakte hue kaha, ” aapko kya lagta he, gay hu to mera koi self respect nahi he, meri koi ahmiyat nahi he, aap jab chahe gale laga sakte he aur jab chahe dutkaar sakte he. But sorry to say mr. RAJVEER , i m not interested..”

Rajveer ko is jawaab ki to ummeed katai nahi thi. Vo sochata tha ki jay ye sunkar khushi se pagal ho jayega. Par yaha to jay ne use naa bol diya tha. Rajveer udaas hokar ghar aa gaya. Par usne himmat nahi hari. Agle din Rajveer dher saare gulaab ke phool lekar jay se mila par jay ne fir use lauta diya . Rajveer din raat ye sochane laga ki kya kiya jaaye. Tabhi ek mauka mila jay aur Rajveer ke common frnd ka next din brthday aa gaya jo usi building me rahta tha.

Rajveer ne apne aapne ko best look dene ki koshish ki thi vo paarty me pahuch gaya to dekha jay waha pahle se maujud tha. Vo aaj dark black suit me kafi handsome lag raha tha. Party me kaafi saare ladke the . Har koi Jay se baat karne ki koshish kar raha tha. Aakhir itna handsome aur rich ladke se kaun dosti nahi karna chahega. Pahli baar Rajveer ne Jay ko gaur se dekha tha. Itna handsome aur dil ka sachcha ladka jiski usne kabhi kadr nahi ki. jay ne rajveer ko dekhkar bhi andekha kar diya jo Rajveer ko bahut bura laga. Cake kaatne ke baad dance start hua to har koi jhumane laga . party me ladkiya 3-4 hi thi baaki ladke hi the. So mahaul kafi open tha aur har koi jhum raha tha . Kuch log drink kiye hue the unhi me ek ladka pee kar Jay se lipat gaya. Vo jay ko apni gf samajh kar use chumane ki koshish karte hue apni gf ka naam le raha tha.

Jay ko hashi aa rahi thi. Par Rajveer ko ye pasand nahi aaya usne us ladke ko dhakka dekar alag kar diya aur jay ko kheenchkar ek kone me le gaya aur narajagi jatate hue bola,” tumhe akal wakal kuch he ki nahi “

” Wo ladka tumhe kiss karne ki koshish kar raha tha aur tum has rahe the…..??”

Jay ko Rajveer ka ye possessive attitude pasand nahi aaya. Use gussa hokar kaha, ” me kiss karu, dance karu , drink karu…….

Aapse matlab…….”

Itna kahkar jay vaapas party me chala gaya aur Rajveer ko dikhakar sharaab ki puri bottle gatak gaya tha. Party khatam hui to sab jaane lage. JAY ko kaafi chad gai thi. Vo theek se chal nahi pa raha tha. Rajveer ne use aage badkar thaam liya aur sahara dekar lift me le aaya. Jay sharaab ke nashe me badbadaa rahaa tha, ” vo mera beta mujh se cheen lega……..!!

Vo mera sab khuch chheen lega………

Me akela rah jaaunga…..

Vo mujhe pyar nahi karta mere bete se pyar karta……

Mujhe koi pyar nahi karta……”

Rajveer ne use uske flate par lekar aaya aur jay ko bed par lita diya. Jay ne rajveer ka hath pakad ke rote hue kaha,  ” mujhe chhod ke mat jao, Rajveer ne mujhe chhod diya tum to ruk jao…………

Kya me pyar ke laayak nahi hu…..?

Dunia kyu nahi samajhati ki me bhi insaan hu, mere seene me bhi dil he , me bhi chahta hu ki koi mera hamsafar bane, mujhe pyar kare, par vo to mujhe jaanvar samajhte he, chalo me jaanvar hi sahi , par pyar to jaanvar ko bhi chahiye na………….

Me bahut akela pad gaya hu………..

Koi nahi samajhata mujhe. “

Rajveer ki aankhe bheeg gai . Usne jay ko chhati se kaskar chipka liya aur uske sar par hath fairate hue kaha, ” Jay mujhe nahi pata ki me is riste ko kese nibha paunga par me hamare bete ki kasam kha kar kahta hu, hamesha tumhara bankar rahunga……..

Tumhe itna pyar dunga ki tum kabhi akela mahsus nahi karoge.”

Itna kahkar Rajveer ne jay ki taraf dekha jo so chuka tha.

Rajveer ne bed par sula diya aur uske bagal me let gaya. Khidki se chaandni bed par aakar gir rahi thi. Jay shukun se so raha tha. Rajveer ko jay ke inkaar ki wajah ka pataa chal gaya tha. Usne jay ke sar par hath rakhte hue kaha, ” tumse haa karwane ka ab ek hi tareeka he…..”

Kuchh sochkar Rajveer ke chehre par hasi aa gai.

Rajveer ne jay ke saare kapde utaare aur use naked karke jay ke blanket me ghus gaya. Subah jab jay ki neend khuli to usne dekha ki uske jism par ek bhi kapda nahi tha aur vo bhi bilkul naked tha. Usne ghabra kar dekha to bagal me Rajveer apni undi me betha ro raha tha, use dekhkar jay ne kaha ” tum yaha…..??”

Rajveer ne apna naatak start kiya. Usne jay ke nange jism ko dekhkar cheekhate hue kaha,  ” tumane mere sath bahut galat kiya he. Me to tumhe yaha chhodane aaya tha aur tumane mere sath….. ……..”

Jay ne apne kamar se blanket lapetate hue puchcha, ” tumhara matlab kya he…..??

Kya kiya mene ?”

Rajveer ne jhut mut ka gussa dikhakar Jay ke paas jaakar use kaha, ” tumane mere sath sex kiya jabardasti kal raat ………

Tumane bahut galat kiya……”

Jay ye sunkar sann rah gaya. Use to kuch bhi yaad nahi tha. Par use laga ki anjaane me usase bahut badi galati ho gai he vo rajveer ka hath pakadata hua bola,  ” dekho , mujhe nahi pata ki ye sab kese hua. Me sharaab ke nase me tha…..

Pls mujhe maaf kar do….”

Rajveer ne uski taraf nafrat se dekhate hue kaha, ” mujhe pata tha tum maafi maangane ke alaawa kuch nahi karoge par me kar sakta hu. Me khud ko khatam kar dunga. Mujhe is jism se nafrat ho rahi he…”

Jay , Rajveer ki baat sunkar dar gaya . Usne safaai dene ke lahje me kaha, ” to aap bataiye me kya karu….?? “

Rajveer ne Jay se dukhi hokar kaha, ” ab hamari shaadi ke alaawa koi aur raasta nahi he..”

Jay ne Rajveer ko apni baaho se pakad kar uthate hue kaha,  ” acting achchi kar lete he aap…..

Par mujhpar in naatako ka koi asar nahi hoga. Isliye apna aur mera vakt kyu barbaad kar rahe he..?”

Rajveer ko itne jor ka jhatka dheere se laga ki uski bolti band ho gai. Vo kamare se nikal gaya.

Rajveer ke jahan se jay ek pal ko bhi alag nahi hota tha. Aur isi beech Jay ke exam complete ho gaye the. Aur uske jaane ka vakt najdik aa raha tha. Ab Rajveer ne saare filmy idea chhokar apne dil ki baat apne tarike se kahne ka faisala kiya, jay us vakt so kar utha tha.

Rajveer ne Jay ke saamane aakar saaf saaf lafjo me kaha, ” dekho jay mujhe propose karna nahi aata kyuki kabhi kisi ko kiya nahi. Par me tumhe sach me apnana chahta hu. Agar mera bharosa nahi to hamare bete ki kasam…………”

Jay ne Rajveer ki labo par hath rakhte hue kaha, ” bas , aage mat bolo……..

Mujhe pata he ki tum mujhe apnanana chahte ho. Par sach to ye he ki me aapse jyada bechen hu aapko apna banane ke liye….”

Itna kahkar jay ne rajveer ko bed par gira diya aur dheere dheere uske najdik jaane laga. Jay ko apne itne kareeb aata dekh Rajveer ko paseene aane lage use ghabraahat si ho rahi thi. Vo jay ko rokna chahta tha par bebas tha. Jay ne rajveer ke chehre ko apni hatheliyo me kas liya aur apne labo se jab Rajveer ke lab chumane ko hua to Rajveer ne apni aankhe band kar li.

Achaanak Jay rajveer ko chhod kar bed se hat gaya. Aur Rajveer se kaha, ” khud ki haalat dekh rahe he, pasine se badan ese bheeg gaya he ki jese me aapki chudai karnewala hu…….

Rajveer aap gay ya bisexual nahi he. Aur isliye me aapko anchaahe bandhan me baandhkar aapko hamesha ke liye dukh nahi dena chahta. Ye baat samajhane me mujhe bhi vakt lag gaya. Par ab me jaanta hu ki mujhe kya karna he. Pls aap mujhe bhul jaaiye…”

Rajveer bed se khada hua aur jay ka udaas chehra dekhkar uske paas aakar uske kandhe par hath rakhte hue bola,  ” Rajveer kya he aur vo kya nahi kar sakta ye to tumane mujhe bata diya par jayraj ka baap hone ke naate me kya kar sakta hu ye me tumhe batata hu.”

Itna kahkar Rajveer ne ek jhatke me jay ko apni baanho me kaskar uske labo par pyar ka paigaam de diya. Rajveer ne aaj apne andar mahsus kiya ki baap hone ka matlab kya hota he . Baap ke liye kuch bhi naamumkin nahi. Ye kiss ka kissa kareeb 10 minute tak chala. Jay ki aankho se aanshu tapaka pade. Uske Rajveer ko bheegi hui aankho se dekhte hue kaha, ” sach……………!!!!!”

Rajveer ne uske aanshu ponchate hue kaha,  ” haa jay …….

Bilkul sach…….”

Dono ese lipat gaye jese roshni suraj se aur andhera raat se lipat jata he.

Rajveer ne apni mom aur jay ke dad ko is baare me batane ke liye ek din ekththa bula liya.

RAJVEER aur JAY ki shaadi aur Jayraj ka sach sunkar Rajveer ki maa bhadak gai aur gusse me gaon chali gai lekin Jay ke dad kaafi khule dimag ke the to inhone ese khushi khushi accept kiya.

Shaadi ki taiyariya hone lagi. Shaadi gwalior se kareeb 15 km dur raayru me bane Jay ke dad ke farm house par hui jisme jay ke bahut close frnd shaamil hue. Shaadi me Rajveer aur jay dono white sherwaani me perfact couple lag rahe the. Shaadi ke baad jab raat ko Rajveer aur Jay apne kamre me aaye to jay ne Rajveer ko ek kiss dete hue kaha,  ” kuchh maanga chahta hu aapse……?”

Rajveer usko baanho me sametate hue kaha, ” jo chaahe maang lo . Pura hak he tumhara…”

Jay ne Rajveer neck par ek love bite dete hue kaha, ” aap job chhodkar hamare bete ko paaliye. Me chaahta hu vo bada hokar aapke jesa samajhdar aur sanskarwan bane…

Ab baahar ki jimmedari me sambhalunga.”

Rajveer ne uski baat maan li. Rajveer ne shararat bhare andaaj me kaha, ” tum virgin to ho na..?”

Jay ne bhi usi andaaj me jawaab diya,  ” haa, par aaj ke baad nahi rahunga……”

Itna kahkar usne Rajveer ko bed par patak liya aur uski aankho me apna chehra dekhane laga. Pyar ka tufaan aane hi wala tha ki jayraj rone laga to Rajveer ne jhapat kar use utha kar goad me le liya. Aur use goad me lekar bed par bethkar apne bete ko chup karwane ke liye kuch gungunane laga. Jay ne bhi apna sar Rajveer ki thigh par rakh liya aur let gaya. Raat pyar aur mamat ke do rango me esi san gai ki kahna muskil tha ki aaj pyar ka rang jyada gahra tha ya bete ki mamta ka.

Room window se jay ke dad ye dekhkar apne aanshu rok nahi paaye. Vo yahi to chahte the ki unke bete ka ek khushhaal aur pyara pariwar ho. Aur isase jyada pyar kaun deta unke jay ko. Idhar goad me jayraj kab ka so chuka tha aur jay bhi. Rajveer ke uper do bachcho ki jmmedari thi ek uske pyar ka bhuka tha dusra uski mamta ka. Aaj Rajveer ko mahsus ho raha tha. Ki uske andar pyar ka athah saagar hilore bhar raha tha.

Rajveer ne sote hue Jay ko chumate hue kaha, ” jay mujhe itna pyar dene ke liye shukriya…”

Dosto Jay ne apne dad ka business sambhal liya vo Rajveer aur jayraj ko lekar bahut possesive tha. Vo jab bhi business ke silsile me foreign jata to to Rajveer aur apne bete ko bhi le jata. Vo unse ek din bhi dur naì rah pata tha. Dosto ek khaas baat Rajveer aur Jay dono top the par unke pyar me ye top ka ego kabhi nahi aaya. Pyar top aur bottam ki paribhasha se pare hota he ye un dono ke pyar ne saabit kar diya.

Ab baat jayraj ki . JAY ne legal formality kar uska adoption kiya tha to koi jayraj par ungli nahi utha paya. Haalanki Jay aur Rajveer ke riste ko lekar samaj he sugbugaahat hoti rahi par hamare samaj me saamane aakar bolne wale log bahut kam hote he. Jindgi unhi gujarane lagi jab Jayraj thoda bada hua to usne pahli baar jab ” paa ” kaha to us din Rajveer aur jay ne jamkar party ki. Har chhoti se chhoti khushi vo dil kholkar celebrate karte the.

Jab jayraj 4 saal ka ho gaya to ek din usane Rajveer se jid ki use dadi se milna he. Haarkar Rajveer, jay apne bete ke sath gaon aaye.

Apne pote ko dekhkar maa ka gussa chhumantar ho gaya. Der se hi sahi maa ne is riste ko accept kar liya. Aaj Rajveer bahut khush tha. Vo maa ko apane sath gwalior le aaye.

Shaam ka vakt tha Rajveer chai pee raha tha. Pichche se jayraj daudta hua aaya uske gale se jhul gaya bola, ” papa aap aur dady(jay) mujhe pyar nai karte na…”

Rajveer ne use apni baanho me sametate hue kaha, ” kyu beta ??”

Jayraj ne maasumiyat se kaha, ” to mere liye maa le aaiye……….

Mere saare frnds ki maa he meri nahi he..”

Rajveer ne bete ko samjhate hue kaha, ” achcha batao maa kya karti he?”

Jayraj,” maa, achchi-2 kahani sunati he, dher saara pyar karti he aur……. Milkshake banakar deti he.”

Rajveer,” ye to ham karte he aapke liye to ham kaun hue?”

jayraj khushi se chilla pada, ” mummy……..!!!!

Aap meri mumma ho”

Jay dur khade ye sunkar khushi se ro pada.

@@ samapt @@

……………… RAJVEER

Comments